Республика халҡы ошо көндәрҙә милли кейем көнөн билдәләй. Был байрам йылына ике тапҡыр – сентябрҙең икенсе һәм апрелдең өсөнсө йомаһында билдәләнә. Был дата республикабыҙҙа 2020 йылдан алып үткәрелә һәм, йыл һайын уның популярлығы арта, милли кейемдәр эшләүсе оҫталар күбәйә бара. Бөгөнгө сығарылышбыҙҙа халҡыбыҙҙың биҙәүес әйберҙәрен тергеҙеүсе Әлиә исемле ҡатындың матур эштәре менән таныштырабыҙ.
Хәҙерге ваҡытта халҡыбыҙ шөғөлдәре яңы һулыш кисерә. Милли кейем тегеүселәр һәм уны кейеп йөрөргә яратыусылар арта. Ҡалабыҙҙа ошондай матурлыҡ тыуҙырыусыларҙың береһе Әлиә Рәшитова һөйләүенсә, әлеге ваҡытта мосолман ҡатын-ҡыҙҙары араһында хәситә ҙур һорау менән ҡулланыла. Һул иңбаштан уң ҡултыҡ аҫтына төшөрөп түшкә ҡырын кейә торған был биҙәнеү әйберен әмәйҙек, дәүәт тип тә йөрөтәләр.
https://vk.com/tk_salavat?z=video-39758439_456248208%2F4fc529ccf63a05fb76%2Fpl_wall_-39758439